Friday, April 27, 2007

ആനപ്പടക്കവും ചന്ദനത്തിരിയും

ഞാന്‍ പ്രീഡിഗ്രിക്കു പഠിക്കുമ്പോഴാണ് സംഭവം.പതിനേഴിന്റെ ചോരത്തിളപ്പുള്ള കാലം. ഇനി നേരിട്ട് സംഭവത്തിലേക്ക് കടക്കാം.ഞങ്ങള്‍ക്ക് ഇംഗ്ലീഷ് എടുത്തിരുന്നത് കാണാന്‍ കുറച്ചു ഭംഗിയുള്ള, ഒരു ചെത്തു സ്റ്റൈലില്‍ വരുന്ന ഒരു ടീച്ചറായിരുന്നു. ഈ ടീച്ചര്‍ക്കിട്ട് ഒരു പണി കൊടുക്കണമെന്നു ക്ലാസിലെ ഒരുകൂട്ടം കുട്ടികള്‍ തീരുമാനിക്കുന്നു. ( എല്ലാം കലിപ്പ് ടീമുകള്‍ തന്നെ... ). അതിനുവേണ്ടി അവര്‍ ഒരു പരിപാടിയും ആസൂത്രണം ചെയ്തു.അന്നു മൂ‍ന്നാമത്തെ അവറായിരുന്നു ഇംഗ്ലീഷ് ക്ലാസ്. ആദ്യത്തെ രണ്ട് അവറിനുശേഷം ഇന്റര്‍വെല്ലാണ്. ഇന്റര്‍വെല്‍ സമയത്തു നമ്മുടെ ഈ ടീം എവിടെനിന്നോ ഒരു ആനപ്പടക്കം സംഘടിപ്പിച്ച് പടക്കത്തിന്റെ തിരി ഒരു ചന്ദനത്തിരിയുടെ ഏകദേശം നടുവിലായി കെട്ടി. അതിനുശേഷം ഈ ചന്ദനത്തിരി ബ്ലാക്ക് ബോര്‍ഡിന്റെ പിന്നിലായി വെച്ച ശേഷം ചന്ദനത്തിരി കത്തിച്ചു. അപ്പോള്‍ ഈ ചന്ദനത്തിരി കത്തി പകുതിയാകുമ്പോള്‍ പടക്കത്തിന്റെ തിരിക്ക് തീപിടിച്ച് പടക്കം പൊട്ടും . അതാണ് ഉദ്ദേശ്യം. ( അമ്പമ്പോ.. എന്തൊരു തല... ) ഇന്റര്‍വെല്‍ കഴിഞ്ഞു. ടീച്ചര്‍ ക്ലാസില്‍ വന്നു. ഈ സംഭവ വികാസങ്ങള്‍ ഒന്നുമറിയാതെ ടീച്ചര്‍ ബ്ലാക്ക് ബോര്‍ഡിന്റെ അരിയില്‍ നിന്നു ക്ലാസ് ആരംഭിച്ചു. ചന്ദനത്തിരിയുടെ പുക ബോര്‍ഡിന്റെ പിന്നിലൂടെ ഉയരുന്നത് ഞങ്ങല്‍ക്കൊല്ലാവര്‍ക്കും കാണാമായിരുന്നു. എല്ലാവരും ശ്വാസമടക്കിപ്പിടിച്ചിരിക്കുകയാണ്. ഏത് നിമിഷവും അത് പൊട്ടാം. ഇതൊന്നുമറിയാതെ ടീച്ചര്‍ ക്ലാസ് തുടര്‍ന്നു.പെട്ടെന്നാണ് ക്ലാസിലെ ഒരുത്തന് ബോധോദയമുണ്ടായത്. അവന്‍ വേഗം ടീച്ചറെ വിളിച്ച് കാര്യം പറഞ്ഞു. സംഭവം കേട്ട് ടീച്ചര്‍ ഞെട്ടി. വേഗം തന്നെ ടീച്ചര്‍ ക്ലാസിനു പുറത്തുവന്നു. ഏകദേശം ആ നിമിഷം തന്നെ അതു സംഭവിച്ചു.ഠേ...... ഒരു വലിയ ശബ്ദത്തോടെ ആ ആനപ്പടക്കം പൊട്ടി.ശബ്ദം കേട്ട് മറ്റുക്ലാസിലെ കുട്ടികളും ടീച്ചേര്‍സും ഓടിവന്നു. അതിനു ശേഷം അവിടെ നടന്ന സംഭവങ്ങള്‍ ഞാനിവിടെ പറയുന്നില്ല. പക്ഷേപിറ്റേദിവസമാണ് സംഭവബഹുലമായ കാര്യം നടന്നത്പിറ്റേ ദിവസം രാവിലെ നമ്മുടെ ഈ ടീച്ചറിന്റെ ഭര്‍ത്താവും ആളുടെ കുറച്ചു കൂട്ടുകാരും കൂടി തലേദിവസത്തെ സംഭവത്തിലെ സൂത്രധാരനെപൊക്കാന്‍ കോളേജ് പടിക്കല്‍ കാത്തുനിന്നു. ഇതൊന്നുമറിയാതെ കോളേജിലേക്ക് നടന്നുവരികയായിരുന്ന നമ്മുടെ നായകനെ ഈ ടീം വളഞ്ഞു. പിന്നെ അവിടെ ഒരു അടിയുടെ ഒരു പൂരം നടന്നു. നായകന്‍ തളര്‍ന്നവശനായി. ഒരാളും ഈ അടി തടുക്കാന്‍ മുന്നോട്ട് വന്നില്ലകാരണം മറ്റൊന്നുമല്ല. നായകനെ വളഞ്ഞിരുന്നവരെല്ലാവരും നല്ല കട്ട ടീമുകളായിരുന്നു. അതുകൊണ്ട് ആരും തങ്ങളുടെ തടി കേടാക്കാന്‍ ധൈര്യപ്പെട്ടില്ല. ( എന്തു നല്ല സുഹൃത്തുക്കള്‍) .അവസാനം തല്ലാന്‍ വന്നവരിലൊരാള്‍ ഒരു വലിയ കത്തി പുറത്തെടുത്തു നമ്മുടെ നായകന്റെ മുഖത്തു വെച്ചു. എന്നുട്ടു രണ്ടു ഡയലോഗും. “വല്ലാണ്ട് കളിച്ചാല്‍ താ ഈ കത്തികൊണ്ട് നിന്റെ ശരീരത്തില്‍ ഞാന്‍ സവാരി ഗിരി ഗിരി നടത്തും . കേട്ടോടാ .....” (ശരിക്കുള്ള ഡയലോഗ് ഇതല്ല... അതു ഇവിടെ പറയാന്‍ പറ്റില്ല.)നായകനെ തല്ലിയപ്പോള്‍ ഒരാളും ഇടപ്പെട്ടില്ലെങ്കിലും നമ്മുടെ കൊട്ടെഷന്‍ ടീം പോയതിനു ശേഷം ഈ ടീച്ചര്‍ക്കെതിരെ പ്രതിഷേധപ്രകടനം നടത്താനും മറ്റും എല്ലാവരും രംഗത്തിറങ്ങി.

4 comments:

subin said...

HI my dear pygodan
U r really a man yar. Is this your words i appreciate u r talent.

U will not bceome a big man.
Ha ha ha

By KPS_Fire

Binosh said...

Pyngodans,

I will recommend u for a 'kerala sahitya academy award' for short stories. carry on..my dear friend...carry on..

Binosh Appadan

വര്‍ത്തമാനം said...

Veruthayalla ee aafrikkayilottu pokendi vannath...
kayyiliruppinte 'Konam'...!!!!



;)

Anonymous said...

hai pyngoda,
we are also from pyngode.We know B.V.M H.S School,sreekumar chetan,remesh chetan,P.D.D.P Society,and all the things that u mentioned..but not u.....